Bookendse vastelaovend vereinigng
Trio 2016 van de Worteleschrabbers, klik rechts veur foto's

click heej


Prins René I prins van ut Worteleschrabbersriek 

 

Prins René I (Heuvelmans)

Zondaag 10 jannewari is in de fiészaal van Boostenhaof ut prinselikke trio van 2016 oetgeraope door vors Raspedorius III (Roger Thomassen).

René Heuvelmans zweit as Prins van 2016, de scepter euver ut Worteleschrabbersriek. Hae zal heej waere beejgestaon door zien adjudanten Harold Janssen en Fred Niessen.

 

 

Dit trio zal der weer eine schoene vastelaovend van maake, en det daon zee onger eur motto:

"Zoeë doon weej det !"

Prins René

René is eine aafstammeling van unne Poerker en ein Wortelepinneke. Hae is getrouwd met Wendy en hebbe twiej kinger, Fee en Nick. René is werkzaam as ambteneer beej de gemeinte Venlo. Zien groëtste hobbies zien tennissen en kaarten met de kammereuj de Daltons. René woent naeve zien schoonelders op de sitterskampwaeg in de Bookend.

Adjudant Fred

Fred is eine aafstammeling van unne Poerker en ein Jocushenke. Hae is getrouwd met Karin en hebbe twiej kinger, Iva en Floor. Fred is werkzaam beej DSM. Zien hobbies zien auk kaarten met de kammereuj, en daobeej is hae waal de sportiefste oet ut gezelschap, hae rent en fietst huul vuul. Fred woent in de Bookendse buurtschap "De Stoeprand" op de Kockersewaeg.

Adjudant Harold

Harold is auk eine aafstammeling van unne Poerker en ein Wortelepinneke. Hae is getrouwd met Monique, de zus van Wendy en saame hebbe ze dreej kinger, Jill, Wout en Teun. Harold is eigenaar van kwekerij De Steenhoven wao hae slangkomkommers teelt. Zien groëtste hobby is nag altied voetballe beej de veteranen van H.B.S.V. in Holt-Blierick. Harold woent met zien gezin aan de steinhaove tôsse Holt-Blierick, den Bookend en Bree in.

 

Verder zien zeej alledreej kammereuj beej vrindegroep de Daltons in Holt-Blierick en zien eur echtgenootes alle dreej echte Worteleschrabbers.

veur inkele foto's van de Prinsenbal, klik heej

veur de proklamasie klik heej

De receptie van ut trio is op zondaag 31 jannewari um 17:00 oor.


Vrinde van de Worteleschrabbers .......