Inscheete vastelaovend 2026
Ut is weer zowiet de vastelaovend steit wear veur de deur, dinsdaag 11 november wuurt de vastelaovend van 2026 weer ingeschoote. Vastelaovend vereinigingen de Duikelaer en de Wortelepin zien door de Worteleschrabbers oetgenûudigd um de vastelaovend in den Bookend te kômme inscheete.
Dees traditie is al jaore gaonde en beteikent nag altied ein groëte verbintenis met de vastelaovens vereinigingen aan de “gôje kant van de maas”. De trio’s en jeugdtrio’s van aafgelaupe jaor, saame met eur vorsten, bestuur en leeje zien oetgenûudigd um nao d’n Bookend te kômme. Weej nûudige den auk gaer alle vastelaoves leefhebbers oet Blierick, Holt-Blierick en d’n Bookend oet um auk nao de Boostenhaof te kômme, idderein is welkom. Op ut Boosterveldje achter de Boostenhaof, waere um 11 euver 8 de welbekinde elluf scheut gelôs
Aansloetend is in de zaal ein gezellig treffe met alle aanwezigen .
Ut programma zuut der as volgt oet:
Beejeinkomst gezelschappen: 19:30 oor
Inscheete: 20:11 oor
Gezellig same zien: 21:00 oor
De foto illustreert ut inscheete van 2015 in de Bookend.
Namens V.V. de Worteleschrabbers, tot 11 november in d’n Bookend.