Prins Jur I,  jeugdprins van de Worteleschrabbers

Zaoterdaagmiddaag 8 fibberwari haet vorstin Raspedorius Junioris I (Britt Gubbels) ut nieje Jeugdtrio van de Worteleschrabbers oetgeraope.

Oetgeraope is Prins Jur I van Boekholdt (12 jaar) met zien adjudanten Alize Steegh (12 jaar) en Daphne Klomp (14 jaar), zeej gaon de kômende vastelaovend heersen euver de jeug van ut Worteleschrabbersriék.

Naeve dit jeugdtrio is der dit jaor auk unne cirremoniemesiter aangesteld veur ut trio en de jeugdraod van elluf te begeleide, en det is Saar Huijs  dochter en kleindochter van ald prinsen Bart II en Bart I.

Prins Jur en adjudant Daphne liere allebei op College Den Hulster in Venlo, adjudant Alize liert op ut buurtcollege Agora in Panningen. Ut is ein huul sportief trio, Jur en Daphne doon allebei aan atletiek beej Scopias en geaven dao auk training. Alize speult badminton beej BC United.

De kins ze alle dreej wakker maake veur heerlijk Italiaans eate; of ut noow pizza of spaghetti is det mak niks oet.

As ze eur vreugs wat der leuk aan de vastelaovend is, zegge ze alle dreej taegeliek: “alles”!

Zeej gaon dit jaor veurop met eur motto:

“Jonk of ald, de Vastelaovend is waor ik van hald!”

Eur reseptie is zaoterdaag 15 fibberwarie vanaaf 16.00 oor in de fiészaal van gemeenschapshuis Boostenhof.

Idderein is van herte welkom.